Kya subha 4 baje uthna sahi hai? Full Daily Routine Guide
Nind, Kasrat aur Rojmarra ki Jindagi Mein Prabhavit Dhang Se Santulan Kese Banayein
“Kiya aap bhi subha jaldi uthkar exercise ya walk par jaate hain, ya phir jaane ka plan bana rahe hain? Agar haan, to yeh article aapke liye hi hai.”
Aaj main aapko is article mein daily routine (sleep + gym + walk) ko optimize karke ek perfect schedule bata raha hoon, jise padhkar aapko proper knowledge aur guide milegi.
Jaisa ki aapne post ke title mein padha hai, kiya 11 PM sona aur 4 AM uthkar exercise ya walk karna sahi hai?
Aaj kal rojmarra ki zindagi mein logon ko bahut kaam waqt milta hai apni fitness par dhyaan dene ke liye. Apni Fitness ko maintain rakhte hue proper diet aur proper sleep lena bahut mushkil ho jata hai. lekin jis tarah parivar ko Sambhalne ke liye paison ki zarurat hoti hai, ushi tarah apni zindagi ko behtar banane ke liye sehat ka achha hona bhi bahut zaruri hai.
Aur sehat tabhi achhi hoti hai jab use sahi nutrition, proper sleep aur excercise mile.
Apni sehat ko achha rakhne ke liye jaise achha diet lena zaruri hai, usi tarah ek achhi neend ka aana bhi bahut zaruri hai. Ek Insaan ko rozana '7-8 ghante ki neend lena bahut zaruri hota hai.”
😴 Nind Puri Na Hone Se Body Mein Kaun-Kaun Se Side-Effects Hote Hain?
🧠 Dimaag Par Asar
- Nind poori na hone se dimaag par bura asar padta hai aur dheere dheere hamara focus kam ho jata hai, jisse kisi bhi kaam mein mann nahi lagta.
- Agar aap raat ko proper sleep nahi lete hain, to aapka mind heavy feel karta hai aur aap ki yaad rakhne ki shamata kamzor ho jati hai. Aap dheere-dheere cheezon ko bhoolne lagte hain aur mind power bohot weak ho jati hai.
- Nind poori na hone ki wajah se aap sahi decision nahi le paate, Aap har chhoti baat par bohot zyada sochoge aur decision lene mein nervous feel karoge.
- Nind poori na hone par aapka mood hamesha disturb rehta hai. Aap chhoti-choti baaton par gussa karte hain aur aapka chidchidaapan (Irritation) badh jata hai.
Agar aapki neend poori nahi hoti hai, to iska bura effect sirf Mind par hi nahi balki aapki body par bhi padta hai :-
💪 Body par asar
- Agar aap raat ko proper deep sleep nahi lete hain, to aapki Mind to disturb rehti hi hai sathi sath apko thakan aur kamjori bhi lagti hai. Aap poore din tiered feel karte ho apki body mein bohot zyada weakness feel hogi.
- Agar aap ek fitness lover hain aap daily gym jaate hain, agar aap ek Deep Sleep nahi loge to apki gym performance bhi down chali jayegi, Aap gym main jyada energetic feel nahi karoge, aapki muscles sahee tarha se pump nahi karegi aur aap Demotivated bhi ho sakte ho. Ek gym person ke liye 8 ghante ki nind' bahut zaruri hai (for muscles recovery).
- Neend poori na hone par body mein dard, heaviness aur bechaini feel ho sakta hai, jisseh aap poora din uncomfortable rahoge.
Nind poori na hone se apki Mind aur Body par to asar padhti hi hai jabki apke body ke internal organs par bhi bura asar dalta hai aur apki Hormones bhi disturb ho jate hain :-
⚖️ Weight aur hormones par effect
- Agar aap apni nind Puri nahi karte ho to apki body main 'hormonal disturbants' bhi ho sakte hain jiski wajah se apko zyada bhook lagti hai aur aap (overeating) karne lagte ho.
- Aur ishi hormonal disturbance ki wajeh se aap overeating karte ho aur dheere dheere apka fat gain hone lagta hai.
❤️ Health Par Serious Effects
- Agar ap 6---7 ghante ki puri nind nahi lete ho to aapki body repair nahi hogi jiski wajah se apki immune cells kaam active honge aur apko bar bar sardi-khansi jesi samasya hoti rahegi.
- Apki nind Puri na hone par Stress Anxiety bhi badhti hai.
- Nind Puri na hone par aghe chal kar aapki BP (blood pressure) aur heart attack ka bhi khatra badhta hai.
Ishi liye agar ap healthy rehna chahte ho aur subhe jaldi uthna chahte ho to apko apki nind Puri karna bohot jaruri hai.
Sirf healthy khana khane aur Exercise se hi body fit nahi rehti hai. Body ko fit rakhne ke liye nind ko bhi pura karna bahut zaruri hai.
Agar aap subha 4 bajeh uthkar Walk ya excersize karne ka soch rahe ho to ye ek bohot achha decision hai. Ap subhe jaldi uth kar exercise ya Walk par bilkul ja sakte ho, lekin aap subhe jaldi tabhi uthein jab aap proper sleep ko pura kar pao. Agar ap 7 se 8 ghante ki nind' nahi lete ho to apko subhe jaldi uthne ka koi bhi benefits nahi milenge. Ulta ye apko nuksan hi karega, jesa ki mene apko pehle hi bataya hai nind Na poore hone ke side-effects ke baare mein.
Benefits of waking up early in the morning :-
Subha jaldi uthna hamare body aur brain ke liye bohot jaruri hai. Subhe jaldi uthne se hamari body brahmand ki ek urja ko apne andar adopt karti hai jisseh nahi sirf sareer majboot hoti hai balki hamara brain bhi sarp hota hai.
(1) Apne jarur filmo mein dekha hoga ya kitabon mein padha hoga hazaro saalon pehle jo Rishi huwa karte thain. O surye udai se pehle hi uth jaya karte thein. Kyu ki o log jante thai ye samay ek yesa samay hai jo sirf unhe urja hi nahi detein balki "Parmatma" yani "Sristi karta" ke karib bhi karti hai. Ishi liye ish samay ko "Brahmamuhurat" bhi kaha jata hai. Brahmamuhurat ka sahi samay (3:30 to 4 A.M) se hi suru hota hai.
(2) Agar aap roj subhe jaldi uthte hein yani 3:30 ya 4 A.m too nahi sirf apki sharirik shamta hi badhega balki apke body main ek alag hi urja shakti ka nivas hoga, apke chehre par ek "tej aur chamak" hoga, apki body pehle se bahut jyada energetic feel karegi. Sirf itna hi nahi ye urja apke Aura ko bhi majboot karegi. Jo log ap se dur bhaga karte thein o log khud apke karib ane lagenge, aap se baat karne ke liye tarshenge, aap pehle se bohot zyada confidence feel karenge.
(3) Subhe jaldi Uthne se hamare body mein jo testosterone namak hormone hai ye bhi active ho jaate hain. Aap sabhi ko pata hi hoga testosterone hormone ka hamarey body mein kitna bada role hai, hamaare sareer ke sir ke baal se lekar pairon ke nakhun tak sab kuch ish testosterone namak hormone se hi sangathit (organized) hota hai. Agar aap apne testosterone ko boost karna chahate ho to subhe jaldi uthna apke liye best option hai.
(4) Agar apka wajan badha huwa hai aur aap ishko control karna chahate ho to subha jaldi uthna aapke liye bahut achhi choice hai. Kyu ki subhe jaldi uthne se apko poore din ka ek extra time mil jaata hai, jisko aap apne fat loss goal par laga sakte ho. Aap achhe se exercise kar sakte ho, apni diet par bhi focus kar sakte ho, subha Walk/Workout karna aasan ho jaata hai, empty stomach lite cardio karna bhi easy ho jaati hai. Apki eating habits bhi control me aati hai kyu ki aap subhe jaldi uthoge to apko raat me jaldi shona bhi padega aur jaldi shone ki wajeh se dinner bhi jaldi karoge. Jiski wajeh se apke body main fat kaam store hoga kyu ki aap jitna late night dinner karoge apki body utna hi fat ko extract karegi. Agar ap Jannah chahte ho late night dinner karne se hamari body mein fat Kyu badhta hai to link par click karke video ko pura dekhe ap ko sab kuch samajh aa jayega.
Agar ap ek beginer ho ap subhe jaldi uthna chahte ho lekin apko samjh nahi arha hai ap subhe ki shuruwat kis tarha se karein to mere ish routine ko follow kar sakte ho.
🌅 Morning Routine (4:00 AM – 8:00 AM)
- Sabse pehle subhe 4 A.M utho uthkar apko 3glass garam pani pena hai. Pene ke thodi der baad bathroom jao agar bathroom lagi hai to karlo aur agar kuch bhi yesa feel nahi ho raha hai bathroom ki tarha to ap Walk par nikal shakte ho. 15-20 min walk karein, fresh air lein. Walk ke baad agar apko bathroom ki urge aaye to ap bathroom ja shakte ho.
Lekin meri salha manoge to me apko walk se pehle purhi tarha fresh hone ke liye kahunga. kyu ki isshe hamari stomach ke andar jo Heavy Ness feel hoti hai o nahi hogi aur ap achese Walk ya Jogging kar paoge. I know starting main apko thodi dikkat ayegi lekin ap daily kosish karoge to ye apki ek achhi habits ban jayegi. Agar apse 3glass pani nahi Piya ja raha hai to ap 1glass ke sath bhi shuruwat kar shakte ho, lekin ek ⚠️ important baat jarur dhiyan de agar apko pani pine ke baad ulti aye to ishko na rokhein kyu ki ulti se apki jo stomach hai o achi tarah wash ho jati hai. Jisseh apki stomach ki sari gandagi bahar nikal jati hai apka pet healthy rehta hai aur apka digestion bhi pehle se kafi better ho jaati hai.
5:30 - 6:00 AM
Walk ke baad apne focus ko badhane ke liye aur apni man ko shant karne ke liye aur ek strong mind ability badhane ke liye thodi der ap ye kam bhi kar sakte ho jese (Study / Meditation / Quran padhna ya fir ap jis bhi religious se tallukat rakhte ho apne according bhagwan ka naam jaap karna) agar ap rojana subhe ye kam karte ho to nahi apka sirf maan shant hoga sathi sath apke karobar ya job par bhi ishka asar dikhega.
Breakfast & Pre-Gym (8:00 AM - 11:00 AM)
Hum jab koi bhi workout krte hai to hamare body se bahut zyada pasina nikalta hai jiski wajeh se body main thodi weakness, face par dullness bhi dikhne lagti hai. Ishi chhij ko maintain karne ke liye ap ko Walk/Workout main energy mile koi weakness feel na ho ishke liye sahe nutrition wali khana, khana bhi bohot jaruri hai. Aur inme se breakfast ka role hamare body mein bohot bada hota hai. Aap breakfast jitna acha karenge apko pure din energy bhi utna acha hi milega ishi liye breakfast mein protein + Carbohydrates aur healthy fats jesi food ko jarur khaye. Kyu ki ye tin nutrition hamare body ko chahiye hu hote hain agar in tino me se ek bhi nutrition body ko nahi milegi to hamari body weakness feel karti hai ushi liye workout ke sath sath apne nutrition par bhi pura dhyan dein.
Ap in nutrition ko pura karne ke liye oats, chapati, banana, dudh, dahi, paneer aur anda bhi khaa sakte ho in sabhi khano main protein aur healthy fats ki matra achhi hoti hai.
Sirf dal, chawal khane se hi hamari body fit nahi rehti hai, body ko carbs ke sath sath protein ki bhi bahut jyada jarurat padhti hai Kyu ki hamare body ke jo muscles ke cells hain oo protein se hi bane hain. To protein hamare body ke liye bahut zaruri nutrition hai. Ishi liye apne khaane main protein wali foods ko jarur add karein.
Afternoon Rest (1:00 PM - 3:30 PM)
Agar ap raat ko late shote ho aur subhe 4Am tak uthjate ho to apki 8ghante ki nind Puri nahi hoti hai. Ishi liye ap dopeher ko 2ghante ki sleep (Nap) le shakte ho. Ye apki night sleep ko complete karegi.
3:30 PM
Utho aur uthne ke baad halka snacks bhi kha shakte.
🌇 Evening Routine (4:00 PM - 9:30 PM)
Evening 4:00 - 6:00 baje tak aap study kar sakte ho ya koi online kaam kar shakte ho, agar aap ek job person ho to aap apne kaam main mann lagaiye 😄.
Lekin agar aap subhe jaldi uthna chahte ho to apko 7:30 ke andar apna dinner complete kar lena hai ishhe apko bloating feel nahi hoga, apko koi bhi digestion me problem nahi hogi, apka khaya huwa khano ke nutrition apke body ko achese mileng aur ap hamesha healthy bhi rahoge.
Late Night Dinner Ke Causes ☠️:-
Apka pet hamesha kharab rahega.
Apko hamesha kamjori feel hogi.
Apka mood chidchida rahega.
Apke body main blood ki kami hone lagegi,
Apka immune system bhi weak hoga aur aap hamesha bimar rahoge.
Agar apko hamesha tandurust rehna hai to raat ko jaldi dinner karein aur dinner ke 2 se 3 ghante baad hi bed par jayein, aur subhe jaldi uthain.
Conclusion
Aap subha jaldi tabhi uthain jab apni nind ko pura kar shaake. Agar aap apni nind ko pura nahi kar pa rahe ho to subhe jaldi uthna apke liye bilkul bhi sahee nahi hai. Ye kabhi bhi apko benefits nahi dega ulta apke testosterone level ko drop karega, aap hameshaa jaldi bimar padoge. To aap subha jaldi tabhi uthain jab apki nind Puri ho.
0 टिप्पणियाँ